Рафаэль Бенитес "Реал"дан тўсатдан четлатилганидан афсусда.
Бенитес Мадрид тарбияланувчиси ҳисобланади. У 2015 йилнинг 3 июндан 2016 йилнинг 4 январигача жамоани бошқарган. Кейин унинг ўрнини Зинедин Зидан эгаллаган.
Рафаэль қўл остидаги 25 учрашувда "Лос Бланкос" 17 ғалаба, 5 дуранг ва 3 мағлубият қайд этди, тўплар фарқи 69:22. Уларнинг "Барселона"га қарши ягона учрашуви ноябрь ойида ўз уйида 4:0 ҳисобида мағлуб бўлганди.
"Менинг жамоам Бенземанинг жароҳати каби турли қийинчиликларга қарамай яхши ўйнади. Лекин улар менга вақт беришмади.
Январь ойида биз "Барселона"дан атиги беш очко ортда қолдик; Кўп нарса ўзгариши мумкин эди, айниқса Бенземанинг қайтиши билан», - деди Бенитес.
