Мадриднинг "Реал" клуби ва Франция терма жамоаси ҳужумчиси Килиан Мбаппе ЖЧ-2022 финалини эслади.
Қатар мундиалидаги ҳал қилувчи баҳсда французлар Аргентинага имкониятни бой бериб қўйганди. Жамоалар 120 дақиқалик ўйиндан сўнг ғолибни аниқлай олмади - 3:3. Мбаппе ҳет-трик қайд этди, бироқ соврин пенальтилар сериясида аниқроқ ҳаракат қилган рақибларга насиб этди.
"Аргентина ЖЧ-2022 финалида ғалаба қозонишга ҳақли эди. Улар биздан яхшироқ ўйнашди. Финалда урилган голлар ҳақида эмас, ғалаба ҳақида ўйлайсан. Бу ақл бовар қилмайдиган ўйин эди, аммо Аргентина ҳақли равишда ғалаба қозонди. Қайсидир паллада яхшироқ кўриндик, аммо бутун ўйинни ҳисобга олсак, натижа адолатли бўлди. Ўша кунни унутиш қийин. Бундай ҳолатни яна бошдан кечиришни истамасдим," - деди Мбаппе.
Бугун французлар ЖЧ-2026 саралашида Исландияга қарши майдонга тушади.
