"Барселона" вингери Ламин Ямал халқаро танаффус якунига қадар жароҳатини даволашга улгуриши кутилмоқда.
Аввалроқ, 18 ёшли футболчи катта эҳтимол билан "Жирона"га қарши ўйинни ўтказиб юбориши тахмин қилинганди, аммо энди испан ОАВлари ижобий прогнозлар билан бўлишмоқда: таниқли журналист Хави Мигелнинг маълумотига кўра, Ямал Каталония дербисида иштирок этиши мумкин. Ёш юлдузнинг тикланиши яхши ўтмоқда. Бундан ташқари, Рафинья Диас ва Фермин Лопес ҳам таркибга киритилади, дея хабар бермоқда манба.
"Барселона"нинг "Жирона"га қарши учрашуви 18 октябрь, шанба куни бўлиб ўтади. Беллашув Тошкент вақти билан 19:15 да старт олиши режалаштирилган.













