"Реал"нинг франциялик ҳужумчиси Килиан Мбаппе жамоанинг амалдаги устози Хаби Алонсо ва "қаймоқранглилар"нинг собиқ устози Карло Анчелотти нимаси билан фарқ қилади, деган саволга жавоб берди.

"Анчелотти - тарихдаги энг яхши мураббийлардан бири. Кийиниш хонасига қувонч олиб кирадиган мураббий. У ҳар доим футболчилар ёнида, ҳар доим ёрдам беришга тайёр. Хаби ҳам ёрдам беришни жуда хоҳлайди, лекин у ҳали ёш мураббий, у ўзини исботлаши керак. Карлога ҳеч нарсани исботлашнинг ҳожати йўқ (кулади)! Хаби анча ёш ва у "Реал"да ўзини кўрсатиш ва муваффақиятга эришишга интилаётгани кўриниб турибди," - дея Мбаппенинг сўзларини келтиради Madrid Zone.

Эслатиб ўтамиз, Алонсо клублар ўртасидаги жаҳон чемпионати - 2025 олдидан "Реал" бош мураббийи Анчелотти ўрнини эгаллади.