13 октябрь куни футбол бўйича 2026 йилги жаҳон чемпионатига Европа саралаш босқичидан саккизта учрашув бўлиб ўтди. «Stadion.uz» нашри шу кунги ўйинлар натижалари билан таништириб ўтади.

Бельгия терма жамоаси сафарда Уэльсни мағлуб этди ва Мундиал йўлланмасини қўлга киритиш учун жуда яқин турибди.

Франция терма жамоаси меҳмонда Исландияни мағлуб эта олмади (2:2). Швеция эса, кутилмаганда, ўз уйида Косовога имкониятни бой берди ва ЖЧ йўлланмасидан бутунлай маҳрум бўлди.

Уэльс — Бельгия — 2:4
Шимолий Македония — Қозоғистон — 1:1
Швеция — Косово — 0:1
Словения — Швейцария — 0:0
Шимолий Ирландия — Германия — 0:1
Словакия — Люксембург — 2:0
Украина — Озарбайжон — 2:1
Исландия — Франция — 2:2

2026 йилги футбол бўйича жаҳон чемпионатининг финал босқичи АҚШ, Канада ва Мексикада ўтказилади. Миллий жамоалар ўртасидаги ушбу йирик мусобақа 11 июндан 19 июлгача бўлиб ўтади.