Жордан Пикфорд "Эвертон" билан шартномасини узайтиради.

Sky Sports News хабарига кўра, дарвозабон ва клуб янги тўрт йиллик шартнома шартларини келишиб олган.

Пикфорднинг амалдаги келишуви 2027 йилгача мўлжалланган. У дам олиш кунлари "Манчестер Сити"га қарши ўйин олдидан янги шартнома имзолаши кутилмоқда.

"Эвертон"дагилар 31 ёшли футболчи жамоада бахтли эканига ва юқори даражадаги фаолиятининг катта қисмини, балки бутун умрини клубга бағишлашга тайёр эканига ишонишмоқда.

Англия терма жамоаси дарвозабони мерсисайдликлар сафида 2017 йилдан буён тўп тепиб келмоқда.