Уэльс терма жамоаси катта турнирларга қайтиш учун курашмоқда ва мураббий Крейг Беллами бундай шароитда унинг футболчиларига қоидаларни бироз кучайтириш зарар қилмаслигига қарор қилди. Улар орасида мобил телефонлардан фойдаланиш, шунингдек, рақиблар билан футболка алмашиш тақиқланган.
"Бу қоидалар муҳокама қилинмайди. Уэльс терма жамоаси либосини кийиш шараф. Уни ҳеч кимга совға қилиб бўлмайди. У қаердадир ётиши ва унга бепарво муносабатда бўлиши мумкин эмас. Футболчилар масъулиятни тушунишлари керак, у Уэльс байроғи билан бир хил," - дея тушунтирди Беллами.
Эслатиб ўтамиз, Уэльс терма жамоаси икки марта - 1958 ва 2022 йилларда жаҳон чемпионатларининг ҳал қилувчи босқичида иштирок этган.
