Жон Стоунз Англия терма жамоасининг ЖЧ-2026 йўлланмасини қўлга киритганига баҳо берди.
"Уч шерлар" ҳимоячиси Латвия устидан қозонилган ғалабадан сўнг (5:0) ўз фикрларини билдирди.
"Биз ўзгача нарса қуряпмиз ва бу давом этиши керак. Мураббий [Тухель] биздан бу бирдамликни, ишончни, курашни, олдинга интилишни, жуда тажовузкор бўлишни ва юқори босим ўтказишни ривожлантиришни хоҳлади. Бу клубларимизда қилаётган ишларимиздан унчалик фарқ қилмайди.
У ва мураббийлар штаби қисқа вақт ичида барчасини қандай қилиб йўлга қўйганига ақл бовар қилмайди. Бунинг бир қисми бўлиш жуда яхши," - деди Стоунс.
