Португалия терма жамоасининг 40 ёшли марказий ҳужумчиси Криштиану Роналду терма жамоадаги ютуғи ҳақида фикр билдирди. Ҳужумчи жаҳон чемпионати саралаш турнирларида гол уриш бўйича жаҳон рекордини ўрнатди. Футболчининг ҳисобида 41 та гол бор.
"Мен учун терма жамоадаги ўйинлар жуда муҳим. Бундай ютуққа эришганимдан фахрланаман. Бунинг учун менга ёрдам берган барчага миннатдорчилик билдираман. Ноябрь ойида учрашамиз ва мундиал йўлланмасини расмийлаштирамиз," - дейилади юлдуз футболчининг ижтимоий тармоқдаги саҳифасида.
Кеча бўлиб ўтган ЖЧ-2026 саралашида Португалия Венгрия билан дуранг ўйнади (2:2). Криштиану баҳсда иккита гол урди.
