Мюнхеннинг "Бавария" клуби ҳужумчиси Харри Кейн ушбу мавсумдаги совринлар учун кураш ҳақида гапирди.
"Бизда бу мавсумда ҳамма нарсада ғалаба қозониш учун ажойиб имконият бўлади. Мавсумни "Бавария" билан бошлаганингизда, сиз автоматик тарзда фаворитлар қаторига тушиб қоласиз.
Мен бу ерда бўлганимдан бери биз кубокда яхши натижага эриша олмадик ва буни тўғирламоқчимиз.
Чемпионлар лигасига келсак, бу ҳақида гапиришга ҳали эрта, аммо мақсадимиз бир: турнирда ғалаба қозонишга ҳаракат қилиш", – деди Кейн.













