Мадриднинг "Реал" клуби ярим ҳимоячиси Арда Гюлер Хаби Алонсо даврида жамоанинг муҳим футболчисига айланди.
Килиан Мбаппе сингари, турк ҳам "қаймоқранглилар"нинг мавсум стартидаги муваффақиятининг асосий таркибий қисмларидан бири ҳисобланади. Гюлернинг ўзи франциялик голеадор билан жуда яхши тил топишиб кетганига ишонмоқда.
"Кучли томонларимиз ажойиб тарзда уйғунлашган. Биз бир-биримизни яхши тушунамиз, ҳаммаси осон кечади. Баъзида ўйин олдидан майдонда нима қилишимизни муҳокама қиламиз. Баъзида бир қарашнинг ўзи кифоя қилади," - дея 20 ёшли хавбекнинг сўзларини келтиради журналист Фабрицио Романо.
