"Манчестер Юнайтед"нинг собиқ ярим ҳимоячиси ва сардори Рой Кин Каталониянинг "Барселона" клубида ижара асосида тўп тепаётган ҳужумчи Маркус Рэшфорд ҳақида фикр билдирди.
"Рэшфорд "МЮ"да муаммога айланди, буни ҳамма кўра бошлади. Трансфердан сўнг у Англия терма жамоасида ўйнаш имкониятига эга бўлди. У бунга ўз ўйини билан лойиқ эди. Унинг истеъдодига шубҳа қилмайман. Бу ажойиб футболчи, аммо унга тезлик ва прессингда ишлаш етишмаяпти", - дея ирландияликнинг сўзларини келтиради ITV.
Жорий мавсумда Маркус Каталония грандининг ўнта ўйинида иштирок этди. Ҳужумчи 3 та гол ва 5 та ассистни ўз ҳисобига ёздириб қўйди.
