"Манчестер Юнайтед" ярим ҳимоячиси Каземиронинг келажаги мавҳумлигича қолмоқда.
Бразилияликнинг "қизил иблислар" билан меҳнат шартномаси келаси йилнинг ўрталарида тугайди, аммо у автоматик равишда узайтирилиши мумкин. Клуб ҳозирча хавбек масаласида якуний қарорга келгани йўқ.
"Каземиро "Манчестер Юнайтед"да бахтли. Ўтган ёзда унга Саудия Арабистонидан аниқ таклифлар бўлмаган. У [саудиялик клубларнинг] эҳтимолий нишонлари қаторида қолмоқда, аммо ҳозирча унинг кетиш истагини кўрсатадиган ҳеч нарса йўқ," - деди журналист Бен Жейкобс.
Каземиронинг transfermarkt портали талқини бўйича нархи 10 млн еврога тенг. Февраль ойида футболчи 34 ёшга тўлади.
