"Барселона"да Ханс-Дитер Фликнинг вориси номзоди муҳокама қилинмоқда.
Хабарларга кўра, "Барса" президенти Жоан Лапорта Флик истеъфога чиққан тақдирда Луис Энрикени жамоага қайтаришни истамоқда, аммо мураббий "ПСЖ"даги ҳамма нарсадан мамнун ва ҳозирча клубини ўзгартирмоқчи эмас.
Шу муносабат билан Каталония клуби раҳбари Сеск Фабрегасни таклиф қилишга мойиллик билдирмоқда.
38 ёшли Фабрегас "Барселона" тарбияланувчиси ҳисобланади. У 2011 йилдан 2014 йилгача асосий жамоада ўйнаган. 2024 йил июль ойидан бери у "Комо"ни бошқармоқда.













