Туркиянинг "Галатасарой" клуби ярим ҳимоячиси, ўтмишда Германия терма жамоаси шарафини ҳимоя қилган Илкай Гюндоган келажаги ҳақида фикр билдирди. У мураббийлик иши билан шуғулланишни режалаштирмоқда.
"Мураббий бўлишга келсак. Биз Пеп (Гвардиола) билан буни жуда жиддий муҳокама қилдик. Мен ҳақиқатан ҳам бундай имкониятни кўриб чиқяпман ва аллақачон биринчи мураббийлик лицензиямни қўлга киритдим. Қолганларини ҳам оламан. Мен ҳали ҳам ўйнашни яхши кўраман, лекин биламанки, бир кун келиб бу тугайди," - дея футболчининг сўзларини келтиради The Athletic.
Бунгача Гюндоган Дортмунднинг "Боруссия", "Манчестер Сити", "Барселона" ва бошқа баъзи клубларда тўп тепган. У жорий мавсум 6 та ўйинда майдонга тушди ва 1 та гол урди.
