Turkiyaning "Galatasaroy" klubi yarim himoyachisi, o‘tmishda Germaniya terma jamoasi sharafini himoya qilgan Ilkay Gyundogan kelajagi haqida fikr bildirdi. U murabbiylik ishi bilan shug‘ullanishni rejalashtirmoqda.
"Murabbiy bo‘lishga kelsak. Biz Pep (Gvardiola) bilan buni juda jiddiy muhokama qildik. Men haqiqatan ham bunday imkoniyatni ko‘rib chiqyapman va allaqachon birinchi murabbiylik lisenziyamni qo‘lga kiritdim. Qolganlarini ham olaman. Men hali ham o‘ynashni yaxshi ko‘raman, lekin bilamanki, bir kun kelib bu tugaydi," - deya futbolchining so‘zlarini keltiradi The Athletic.
Bungacha Gyundogan Dortmundning "Borussiya", "Manchester Siti", "Barselona" va boshqa ba’zi klublarda to‘p tepgan. U joriy mavsum 6 ta o‘yinda maydonga tushdi va 1 ta gol urdi.
