Миланнинг "Интер" клуби спорт директори Пьеро Аузилио клуб ҳужум чизиғида Неймар билан шартнома имзолаши мумкинлиги ҳақидаги миш-мишларга муносабат билдирди.
"Неймар "Интер"га ўтадими? Йўғ-э, бу бўлмағур гап. Биз буни ҳеч қачон муҳокама қилмаганмиз, бизга ҳеч қачон таклиф қилишмаган - мутлақо бемаънилик," - деди Аусилио.
Айни пайтда 33 ёшли Неймар "Сантос" шарафини ҳимоя қилмоқда. Амалдаги шартнома бразилиялик юлдузни 2025 йил охиригача ўз клуби билан боғлаб туради.













