"Ливерпуль" бош мураббийи Арне Слот ҳужумчи Александр Исакнинг ҳолати ҳақида гапирди. Швед сентябрь ойи бошида мерсисайдликлар сафига "Ньюкасл"дан келиб қўшилди.
"Исак энди беш-олти ҳафта мавсумолди тайёргарликдан ўтди, дейиш мумкин. Жисмоний тайёргарлик нуқтаи назаридан у керакли даражага яқин. Энди биз унга чинакамига, адолат билан баҳо беришимиз мумкин. Унинг мавсумолди тайёргарлик жараёни якунланди, у аллақачон бир нечта ўйин ўтказди. Яқин ҳафталарда унинг қандай ҳолатда эканлигини кўрамиз," - деди Слот матбуот анжуманида.
"Ливерпуль" сафидаги олтита ўйинда Александр Исак битта гол урди ва шеригига битта голли узатмани амалга оширди.
