Машҳур собиқ мураббий Висенте дель Боске "Реал"нинг ҳозирги бош мураббийи Хаби Алонсонинг фаолияти ҳақида гапирди.
43 ёшли мутахассис жорий йилнинг июнь ойида Карло Анчелотти ўрнига "қаймоқранглилар" бошқарувига келганди.
"Алонсо "Реал"да ажойиб ишларни амалга оширмоқда, аммо баъзида мураббий ўз фикрларини омма олдида айтмаслиги керак. У бундай очиқ гапирмаслиги керак," - дея дель Боскенинг сўзларини келтиради испан ОАВ.
"Реал" Ла Лига 8-туридан кейин турнир жадвалида пешқадамлик қилмоқда ва "Барселона"ни 2 очкога ортда қолдирмоқда. Якшанба куни Хаби Алонсо жамоаси "Хетафе" меҳмони бўлади.













