"Кристал Пэлас" шарафини ҳимоя қилаётган англиялик ҳимоячи Марк Гехи келажаги борасида бир қарорга келди.
25 ёшли футболчи "бургутлар" билан янги меҳнат шартномасини имзоламайди, бу ҳақда Британия матбуоти хабар бермоқда. Гехи ва "Кристал Пэлас" ўртасидаги амалдаги шартнома муддати келаси йилнинг ёзида якунига етади.
Аввалроқ, марказий ҳимоячига Премьер-лиганинг амалдаги чемпиони "Ливерпуль" қизиқиш билдираётгани ҳақида хабарлар тарқалган эди.
Англия чемпионатининг жорий мавсумида Марк еттита ўйинда майдонга тушиб, битта гол урди ва битта голли узатмани амалга оширди.
