"Реал" бош мураббийи Хаби Алонсо Винисиусдан сохта тўққизлик сифатида фойдаланиб, ҳужум чизиғида Родригонинг ўйнаши мумкинлиги ҳақидаги саволга жавоб берди.
"Мен уларнинг Бразилия терма жамоасида шундай ўйнаганини кўрганман. Улар ўз позицияларини алмаштириб, жуда самарали ҳаракат қилишди. Бу келажакда биз ҳам амалда қўллашимиз мумкин бўлган усул", - деди Алонсо журналистларга.
Жорий мавсумда Родриго "Реал" таркибида атиги икки марта асосий таркибда майдонга тушди. Винисиус эса икки марта захирада қолди, аммо ўйин давомида майдонга туширилди.
