"Real" bosh murabbiyi Xabi Alonso Vinisiusdan soxta to‘qqizlik sifatida foydalanib, hujum chizig‘ida Rodrigoning o‘ynashi mumkinligi haqidagi savolga javob berdi.
"Men ularning Braziliya terma jamoasida shunday o‘ynaganini ko‘rganman. Ular o‘z pozisiyalarini almashtirib, juda samarali harakat qilishdi. Bu kelajakda biz ham amalda qo‘llashimiz mumkin bo‘lgan usul", - dedi Alonso jurnalistlarga.
Joriy mavsumda Rodrigo "Real" tarkibida atigi ikki marta asosiy tarkibda maydonga tushdi. Vinisius esa ikki marta zaxirada qoldi, ammo o‘yin davomida maydonga tushirildi.
