"Ювентус" ярим ҳимоячи Кефрен Тюрам бўйича барча таклифларни рад этди. Французнинг харидига Англиянинг "Ливерпуль", "Арсенал", "Челси" ва "Тоттенхэм" клублари қизиқиш билдирган - уларнинг барчаси "кекса синьора"дан рад жавобини эшитган, дейди журналист Экрем Конур. Турин клубида ҳамон хавбекни "дахлсиз" деб ҳисоблашмоқда.
Кефрен Тюрамнинг "Ювентус" билан шартномаси 2029 йилнинг ярмигача мўлжалланган бўлиб, унинг трансфер нархи Transfermarkt портали экспертлари томонидан 40 млн еврога баҳоланмоқда. Аввалроқ, "бьянконерилар" раҳбарияти Саудия Арабистони чемпионати вакилининг 24 ёшли футболчи бўйича таклифини рад этгани хабар қилинганди.
