Англиянинг "Манчестер Юнайтед" клуби ҳимоячиси Маттейс де Лигт ўз клуби устози - португалиялик мутахассис Рубен Аморимга ҳурмат билан қарайди.
"Биз яхши муносабатдамиз, у менга нисбатан ҳалол, мен унга нисбатан ҳалолман. Биз ҳар доим ҳам у ёки бу нарсани эшитишни ёқтирмаймиз, лекин уларни тан олишимиз керак. Мулоқот ва ҳалоллик - ҳар қандай жамоадаги асосий тушунчалардир," - дея де Лигтнинг сўзларини келтиради The Telegraph.
Эслатиб ўтамиз, айни дамда "Манчестер Юнайтед" Англия чемпионати турнир жадвалида ўн биринчи ўринни эгаллаб турибди.
