"Барселона" Ла Лига доирасида ўз майдонида "Жирона" устидан ғалабани илиб кетди - 2:1. Ғалаба голини каталонияликлар иккинчи бўлимга қўшиб берилган дақиқаларда уришди. Ҳимоячи Рональд Араухо ўзини кўрсатди, у иккинчи бўлим охирида захирадан майдонга тушганди. Ўйиндан кейин "кўк-анорранглилар" бош мураббийи Ханс-Дитер Флик бу борада изоҳ берди.
"Мен майдонга тушишдан олдин ундан сўрадим: "Нима деб ўйлайсан, бу позицияда ўйнай оласанми?" У "ҳа" деб жавоб берди. Унинг голидан жуда хурсандман - у доим юраги билан ўйнайди," - деди Флик матбуот анжуманида.
"Барселона" Ла Лигада "Реал"ни 1 очкога ортда қолдириб, пешқадамлик қилмоқда. Дарвоқе, Мадрид жамоаси тур ўйинини якшанба куни ўтказади.
