"Челси" яримҳимоячиси Эден Азар "Реал" собиқ бош мураббийи Жозе Моуриньо уни Мадридда ўйнашга таклиф этганини гапириб берди. Шунингдек у португалиялик мутахассис қўл остида ўйнаш борасидаги фикрлари билан ўртоқлашди.
"Лилль"да ўйнаган пайтларим у мен билан қизиқаётганини айтганди. Лекин мен ўз ўйинимни ўстириш учун 21 ёшимгача клубимни ўзгартирмасликни хоҳладим.
"Реал" - жуда яхши жамоа, лекин мен ўша пайтда Франция чемпионатида кўпроқ нарсани исботлашим мумкин эди. Кетиш учун жуда кеч эди, шу туфайли қолдим.
Энди у "Челси"да ва энди ҳар биримиз билан алоҳида суҳбатлар ўтказиб чиқмоқда. У биздан нима кутаётганини барчамизга тушунтирди.
Жозе ўзидан жуда осойишта одам сифатида таассурот қолдиради. У ҳақида кўп ёзишади, кўп гапиришади. Лекин менимча у жуда яхши одам. Моуриньо ўз ўйинчиларини яхши кўради. У те-тез кулиб туради; машғулотлар давомида у билан кўп ҳазиллашиб турамиз. Аминманки, ушбу мураббий қўл остида кўплаб ўйинларда ғалаба қозона оламиз ва совринлар учун курашамиз. Унинг "Челси"га келиши клуб учун жуда муҳим рол ўйнайди. У билан муваффақиятга эришиш имкониятларимиз ошди", деди Азар.













