"Страсбург" ҳужумчиси Хоакин Паничелли Европанинг нуфузли клублари қизиқишлари доирасига тушиб қолди.
23 ёшли футболчи жорий мавсумни яхши бошлади ва Лига 1нинг 8 ўйинида 7 марта рақиб дарвозасини ишғол қилди. Журналист Экрем Конурнинг ёзишича, аргентиналик футболчининг муваффақиятларини "Милан" ва "Челси" диққат билан кузатиб бормоқда. Шунингдек, ҳужумчига "РБ Лейпциг", "Севилья" ва "Бенфика" клублари даъвогарлик қилмоқда. Футболчининг трансфери январь ойида очиладиган қишки трансфер ойнасидаёқ амалга ошиши мумкин.
Transfermarkt экспертлари Хоакин Паничеллининг нархини 12 млн еврога баҳоламоқда. Айнан "Страсбург" ҳужум чизиғи етакчиси айни дамда Франция чемпионатида тўпурарлар пойгасида Мэйсон Гринвуд (олти гол) ва Ансу Фатини (беш гол) ортда қолдириб, пешқадамлик қилмоқда.
