Миланнинг "Интер" клуби ҳужумчиси Маркус Тюрам жароҳатидан тикланишда давом этмоқда.
28 ёшли француз сонидан олган жароҳати туфайли сўнгги учта ўйинни ўтказиб юборди. Sky Sport нашри тарқатган хабарга кўра Чемпионлар Лигасининг навбатдаги турида Бельгиянинг "Юнион Сент-Жиллуаз" клубига қарши ўйинда ҳам форвард майдонга туша олмайди, "Интер" эса уни А Сериянинг навбатдаги турида "Наполи"га қарши ўйинда майдонга тушишига умид қилмоқда. Лекин ҳозирча кафолат йўқ.
Кристиан Киву жамоасининг "Юнион Сент-Жиллуаз" билан учрашуви 21 октябрь, сешанба куни, "Наполи" билан жанг эса 25 октябрь, шанба кунига белгиланган.













