"Барселона" ҳужумчиси Ферран Торрес клуб билан шартномани узайтириши мумкин.
Куни кеча "кўк-анорранглилар" хавбек Френки де Йонг билан янги шартнома имзолаганини эълон қилди, навбатда ҳимоячи Эрик Гарсия экани ҳақида аввал ҳам бир неча бор хабар берилганди. Журналист Альфредо Мартинеснинг маълум қилишича, Гарсия билан келишув узайтирилиши биланоқ Каталония гранди Торрес билан шартномани узайтириш билан шуғулланади. "Барса" испаниялик ҳужумчини лойиҳанинг муҳим қисми деб ҳисобламоқда ва спорт директори Деку битим тафсилотларини тезда ҳал қилишга умид қилмоқда.
Ферран Торрес жорий мавсумда ўнта баҳсда бешта гол ва битта голли узатмани ўз ҳисобига ёздириб қўйди. 25 ёшли футболчининг амалдаги шартномаси 2027 йилга қадар имзоланган.
