"Бавария" ҳужумчиси Харри Кейн барча даврларнинг энг яхши футболчиларидан иборат жамоани тузди.
Инглиз таркибдан ҳозирги жамоадоши Мануэль Нойерга жой топган бўлса, ҳимоячилардан Марсело, Жон Терри, Жоржо Кьеллини ва Кайл Уокерни танлади. Ярим ҳимоядаги позициялар Серхио Бускетс, Зинедин Зидан ва Андрес Иньестага, ҳужум учлиги эса Криштиану Роналду, Роналдо ва Лионель Мессига насиб этди.
Харри Кейн 2023 йилдан буён "Бавария" шарафини ҳимоя қилмоқда. Жорий мавсумда 32 ёшли футболчи мюнхенликлар сафида барча мусобақаларда 11 та ўйинда ақл бовар қилмас 19 та гол урди, шунингдек, жамоадошларига 3 та голли узатмани амалга оширди.
