"Манчестер Юнайтед" бош мураббийи Рубен Аморим "Ливерпуль"га қарши сафар ўйинида (2:1) гол уриб, жамоасига ғалаба келтирган марказий ҳимоячи Харри Магуайр ҳақида гапирди.
Англиялик футболчи ўйинни асосий таркибда бошлади ва 84-дақиқада рақиб дарвозасини ишғол этиб, якуний натижани таблога ёздириб қўйди.
"Мен буни кутгандим, бу мен учун янгилик эмас. Мен стандартлар, тажрибали ўйинчилар қанчалик муҳимлигини билардим. Магуайр шерикларига ёрдам бериш учун етарли тажрибага эга.
Харри биз учун жуда муҳим, буни бугун яна бир бор исботлади. Уни ҳар бир болага ўрнак қилиб кўрсатиш мумкин, агар у бошидан кечирган ҳамма нарсани ҳисобга олсак," - деди Аморим ўйиндан кейинги интервьюсида.
"Қизил иблислар" 8 турдан кейин 13 очко билан турнир жадвалида тўққизинчи ўринда бормоқда.
