"Manchester Yunayted" bosh murabbiyi Ruben Amorim "Liverpul"ga qarshi safar o‘yinida (2:1) gol urib, jamoasiga g‘alaba keltirgan markaziy himoyachi Xarri Maguayr haqida gapirdi.
Angliyalik futbolchi o‘yinni asosiy tarkibda boshladi va 84-daqiqada raqib darvozasini ishg‘ol etib, yakuniy natijani tabloga yozdirib qo‘ydi.
"Men buni kutgandim, bu men uchun yangilik emas. Men standartlar, tajribali o‘yinchilar qanchalik muhimligini bilardim. Maguayr sheriklariga yordam berish uchun yetarli tajribaga ega.
Xarri biz uchun juda muhim, buni bugun yana bir bor isbotladi. Uni har bir bolaga o‘rnak qilib ko‘rsatish mumkin, agar u boshidan kechirgan hamma narsani hisobga olsak," - dedi Amorim o‘yindan keyingi intervyusida.
"Qizil iblislar" 8 turdan keyin 13 ochko bilan turnir jadvalida to‘qqizinchi o‘rinda bormoqda.
