Арда Гюлер Килиан Мбаппега ассистентлик қилди, унинг голи “Реал”га “Хетафе” устидан 1:0 ҳисобида ғалаба келтирди.
Якшанба кунги Ла Лига учрашувидаги ягона гол 80-дақиқада киритилди.
Туркиялик ярим ҳимоячи франциялик форвардга Испания чемпионатининг жорий мавсумида тўртинчи бор голли узатма берди. Opta хабарига кўра, Ла Лигадаги бошқа ҳеч бир футболчи жорий мавсум маълум бир жамоадошига бундай кўп ассист бермаган.
Умуман олганда, Арда Гюлер 9 та лига ўйинида 3 та гол урди ва 4 та голли узатмани амалга оширди. Килиан Мбаппе худди шу тўққизта ўйинда ўн марта гол урди ва иккита голли узатмани ҳам амалга оширди.
