"Милан" ярим ҳимоячиси Лука Модрич жамоанинг чемпионлик учун курашдаги имкониятлари ҳақида ўз фикрларини билдирди.
Якшанба куни "россонерилар" "Фиорентина" устидан иродали ғалабани (2:1) қўлга киритиб, А Серия турнир жадвалида пешқадам бўлиб олди. Улар "Интер", "Наполи" ва "Рома"дан бир очко олдинга ўтиб олди.
"Скудетто? Биз ҳар бир ўйинда ўзимизни кўрсатишимиз керак. Жамоа сифатида ривожланиб боряпмиз ва бу сафар кучли рақибга қарши ўйинда характер ва маҳоратимизни намойиш эта олдик. Биз тўғри йўлдан боряпмиз. Шошилмасдан, шу тарзда давом этишимиз лозим," - деди 40 ёшли хорват футболчи DAZN’га берган интервьюсида.
Жума куни "Милан" ўз майдонида "Пиза" жамоасига қарши ўйин ўтказади.
