"Бавария" марказий ҳужумчиси Харри Кейн Дортмунднинг "Боруссия" клуби хавбеки Жоб Беллингемнинг ўйин даражаси ҳақида фикр билдирди.
"Беллингем - катта салоҳиятга эга бўлган яхши футболчи. Менимча, у кўпроқ ўйин амалиётига эга бўлишни истарди. Унинг келажаги яхши, тўхтамаслик ва ишлашда давом этиш керак," - дея футболчининг сўзларини келтиради Sky Sports.
20 ёшли инглиз "асаларилар" сафига жорий йилнинг ёзида кўчиб ўтган эди. Ярим ҳимоячининг трансфери "Боруссия"га 30 миллион еврога тушди.
Германия чемпионатининг жорий мавсумида Беллингем еттита ўйинда майдонга тушиб, гол урмаган.
