Аргентина терма жамоасининг собиқ футболчиси Серхио Агуэро Лионель Мессининг кейинги жаҳон чемпионатида иштирок этиши ҳақидаги саволга жавоб берди.
"Менимча, ҳамма Леонинг абадий ўйнашини истайди, шундай эмасми? Аммо қарор уники - вақти келганда ўзи қарор қабул қилади," - деди Агуэро Stake’га.
2026 йилги жаҳон чемпионатида Аргентина терма жамоаси совринни ҳимоя қилади.
Ўтган жаҳон чемпионати финалида Лионель Скалонининг жамоаси Францияни 3:3 ҳисобидаги дурангдан сўнг 11 метрлик зарбалар сериясида мағлуб этган эди.
Декабрь ойида жаҳон чемпионати гуруҳ босқичининг қуръа ташлаш маросими бўлиб ўтади. Бироқ, ўша пайтга келиб турнирнинг барча иштирокчилари ҳали аниқланмаган бўлади.













