Мадриднинг "Реал" клуби ярим ҳимоячиси Эдуардо Камавинга ТF1 нашрига берган интервьюсида жамоадаги ўрни ҳақида гапирди.
"Реал"ни болалигимдан орзу қилганман, чунки бу дунёдаги энг яхши клуб. Бу ерга ўтганимда шубҳа қилмаганман. Бу клубда ўз изимни қолдиришни орзу қиламан, шунинг учун бу имкониятдан максимал даражада фойдаланишга ҳаракат қиламан. "Реал"да жуда бахтлиман, аммо энди чап қанот ҳимоячиси позициясида ўйнашни истамайман. Мен фақат ярим ҳимояда ўйнашни истардим", деди футболчи.
Эдуардо Камавинга 2025/26 йилги мавсумда "Реал" сафида барча мусобақаларда 6 та ўйинда майдонга тушиб, битта гол урган.
