"Ливерпуль" 75 миллион фунтга тушадиган Муҳаммад Салоҳга ўринбосар топиб улгурди.

iPaper нашри манбаларига кўра, мерсисайдликлар раҳбарияти асосий юлдузининг 2025/26 йилги мавсумдаги ёмон формасидан хавотирда, шунинг учун "қизиллар" январь ойидаги трансферлар ойнасида "Борнмут"дан Антуан Семеньони сотиб олиш имкониятини кўриб чиқишга мажбур. Айни пайтда улар унинг трансфери учун курашда фаворит бўлиб турибди.

Қайд этилишича, "Ливерпуль" "вишен"нинг 25 ёшли ҳужумчиси учун 75 миллион фунт тўлашга тайёр.

Жорий мавсум Семеньо "Борнмут" сафида АПЛда 8 та ўйинда 6 та гол ва 3 та голли узатмага муаллифлик қилган бўлса, Салоҳ Англия чемпионатида 8 та баҳсда атиги 2 та гол ва 2 та голли узатмага муаллифлик қилди.