"Барселона" ҳужумчиси Роберт Левандовски Англия премьер-лигасига кўчиб ўтиши мумкин. Daily Star шундай маълумотга эга.
Манбага кўра, 37 ёшли Левандовски хизматига "Манчестер Юнайтед" бош мураббийи Рубен Аморим қизиқиш билдирмоқда. Таъкидланишича, футболчининг ўзи аллақачон "Олд Траффорд"га ўтишга рози бўлган.
Миш-мишларга ишонадиган бўлсак, "Барселона" ёши катта ҳужумчи билан меҳнат шартномасини узайтиришни режалаштирмаяпти. Футболчининг каталонияликлар билан шартномаси келаси ёзда ўз ниҳоясига этади.
Левандовски 2022 йилдан бери "Барселона" шарафини ҳимоя қилмоқда. Жорий мавсумда форвард барча турнирларда тўққизта учрашувда майдонга тушиб, тўртта гол урди.













