"Ноттингем Форест" клуби марказий ярим ҳимоячиси Эллиот Андерсон "Манчестер Юнайтед"га ўтиши мумкин. Бу ҳақда Mirror Football хабар бермоқда.
Манбага кўра, "Брайтон" хавбеки Карлос Балебанинг муваффақиятсиз трансферидан сўнг "қизил иблислар" Андерсон учун курашга қўшилиши мумкин. Аммо "Манчестер Юнайтед" "Манчестер Сити" ва "Челси" билан рақобатда ғалаба қозонишига тўғри келади.
Таъкидланишича, "ўрмончилар" айни дамда Англиянинг асосий иқтидорларидан бири саналган футболчисини сақлаб қолишга интилмоқда. Клуб унинг ҳозирги нархини 86 миллион еврога баҳоламоқда.
Жорий мавсумда 22 ёшли Андерсон барча мусобақаларда 10та ўйинда майдонга тушди ва 1та ассистни ўз ҳисобига ёздириб қўйди.
