Рафинья Диас класикода ўйнайди.
Эслатиб ўтамиз, "Барселона" вингери 25 сентябрь куни "Овьедо"га қарши ўйинда (3:1) сонининг орқа қисмидан жароҳат олган эди. Marca хабарига кўра, бразилиялик футболчи аллақачон жамоанинг умумий гуруҳи билан машғулот ўтказган ва 26 октябрь куни "Реал"га қарши ўйинда иштирок этиши мумкин.
Қайд этилишича, футболчининг тикланиш жараёни фавқулодда яхши кечган.
Рафинья кеча Чемпионлар лигаси доирасидаги "Олимпиакос"га қарши ўйинда (6:1) майдонга тушиши мумкин эди, аммо жамоа бош мураббийи Ханс-Дитер Флик шошмасликка ва футболчига тикланиш учун яна бир неча кун вақт беришга қарор қилди.
