Италия терма жамоаси таянч ярим ҳимоячиси Сандро Тонали "Ньюкасл" билан шартномасини узайтиришга рози бўлди ва бу орқали футболчи дисквалификация пайтида уни қўллаб-қувватлаган клубга миннатдорчилик билдирди, деб ёзади Telegraph.
2023 йил октябрь ойида - "Милан"дан 59 миллион еврога ўтганидан кўп ўтмай, Тонали футбол ўйинларига пул тикгани учун 10 ойга дисквалификация қилинди. "Ньюкасл" спорт директори Ден Эшворт ва бош мураббий Эдди Хау тимсолида футболчини жазоламади, аксинча, қўллаб-қувватлади.
Ўшанда Тонали "Ньюкасл" билан меҳнат шартномасини "1+1" схемаси бўйича 2030 йил ёзигача узайтириш таклифини қабул қилганди.
