"Барселона"нинг ҳужумчи Роберт Левандовскига узоқ муддатли ўринбосар топиш борасидаги умидлари тўланмаган трансфер қарзи туфайли хавф остида қолиши мумкин. Бу ҳақда Daily Mail хабар бермоқда.
Аввалроқ, "Барселона" трансферлар учун клублардан 159 миллион евро атрофида қарздор экани ҳақида хабарлар тарқалган эди. Шу билан бирга, клуб деярли барча суммани жорий мавсум охиригача тўлаши кераклиги таъкидланган. Манбага кўра, бу каталонияликларнинг молиявий аҳволига жиддий босим ўтказади, шу сабабли янги қимматбаҳо форвард сотиб олиш осон бўлмайди.
Аввалроқ, "Барселона" "Атлетико"ни тарк этмоқчи бўлган ҳужумчи Хулиан Альвареснинг ҳолатини кузатиб бораётгани ҳақида хабарлар тарқалган эди.
