"Барселона"да ҳозирча вингер Рафинья Диас Мадриднинг "Реал" клубига қарши асосий таркибда ўйнашга тайёрми ёки йўқлиги ҳал қилинмади. Бразилиялик футболчи жароҳати сабаб сўнгги 5та ўйинни ўтказиб юборди, аммо якшанба кунги "класико"га қадар тикланишга улгуради.
Diario Sport хабарига кўра, "Барса"да баъзи хавотирлар сақланиб қолмоқда, аммо клубдагилар футболчи асосий таркибда майдонга туша олишини тушунишади. "Кўк-анорранглилар" мураббийлар штабида юлдузнинг соғлиғини хавф остига қўйишни исташмайди, шунинг учун улар шошилишмайди.
"Реал" - "Барселона" учрашуви Тошкент вақти билан 20:15да бошланади. "Қаймоқранглилар" каталонияликларни икки очкога ортда қолдириб, пешқадам бўлиб турибди.
