Саудия Арабистонининг "Ан-Наср" клуби "Зенит"нинг бразилиялик ярим ҳимоячиси Жерсон Сантосни сотиб олишни мақсад қилган.
Инсайдер Экрем Конурнинг ёзишича, португалиялик машҳур голеадор Криштиану Роналду тўп тепаётган "Ан-Наср" Жерсон учун "Зенит"га тахминан 30-35 миллион евро тўлашга тайёр. "Кўк-оқ-кўклар" ўз футболчиси учун айнан шунча пул сўрамоқда. Хавбекка Бразилиянинг "Палмейрас" клуби ҳам қизиқиш билдирмоқда, аммо Саудия Арабистони жамоаси молиявий томондан қулайроқ шартларни таклиф қилмоқда.
Ўтган ёзда "Зенит" Жерсонни "Фламенго"дан 25 млн еврога сотиб олганди. "Кўк-оқ-кўклар" таркибида у еттита ўйинда битта гол урди.













