"Манчестер Юнайтед" келаси ёзда бюджетини тўлдиришга тайёргарлик кўрмоқда. Transfer News Live нашри Манчестер Evening News’га асосланиб хабар беришича, "қизил иблислар" қароргоҳида клубга иккита битим маблағ келтириши кутилмоқда.
Биринчидан, "Манчестер Юнайтед" Маркус Рэшфордни сотишни режалаштирмоқда. Инглиз футболчи ҳозирда ижара асосида ўйнаётган "Барселона"да ўзини яхши кўрсатмоқда.
Иккинчидан, "қизил иблислар" Мэйсон Гринвуднинг "Марсель" томонидан сотилишидан даромад олишни кутишмоқда. "МЮ"дан Франция Лига 1 клубига ўтиш пайтида тузилган шартномада "қизил иблислар" учун қайта сотишдан фоиз белгиланган.
