Италия матбуоти "Ювентус" бош мураббийи Игор Тудорнинг истеъфосини фаол муҳокама қилишда давом этмоқда.

Туринликлар кетма-кет еттита ўйиндан бери ғалаба нималигини билмаяпти, бу жамоа билан 16 йилдан бери содир бўлмаган. Бундан ташқари, бир неча бор хабар қилинганидек, ҳозирги ьош мураббийи "кекса синьора" раҳбарияти билан яхши муносабатда эмас. Журналист Ромео Агрести хабарига кўра, "Ювентус" босслари Тудор ўтган ёзда шартнома имзолаган янги футболчиларни ўз тизимига етарлича муваффақиятли қўша олмаяпти, деб ҳисобламоқда. Клуб янги футболчиларга катта маблағ сарфлади, шунинг учун мутахассис улар атрофида жамоа туза олишига умид қилмоқда, бу эса ҳозирча кузатилмаяпти.