"Борнмут" клуби ҳужумкор ярим ҳимоячиси Антуан Семеньо фаолиятини Англия Премьер-лигасининг топ-клубида давом эттириши мумкин. Бу ҳақда Daily Mail таблоиди журналистлари хабар бермоқда.
Манбага кўра, 25 ёшли ганалик футболчига Премьер-лиганинг амалдаги чемпиони "Ливерпуль" даъвогарлик қилмоқда. "Борнмут" Семеньони январда сотмоқчи эмас, шунинг учун унинг трансфери фақат келаси ёзда амалга ошиши мумкин. "Гилослар" ўз футболчисини 75 миллионга баҳоламоқда.
Футболчи ва "Борнмут" ўртасидаги амалдаги шартнома 2030 йилнинг июнь ойи охиригача мўлжалланган.
Семеньо Англия чемпионатининг жорий мавсумида 8 та ўйин ўтказиб, 6 та гол ва 3 та голли узатмага муаллифлик қилди.
