"Bornmut" klubi hujumkor yarim himoyachisi Antuan Semenyo faoliyatini Angliya Premyer-ligasining top-klubida davom ettirishi mumkin. Bu haqda Daily Mail tabloidi jurnalistlari xabar bermoqda.

Manbaga ko‘ra, 25 yoshli ganalik futbolchiga Premyer-liganing amaldagi chempioni "Liverpul" da’vogarlik qilmoqda. "Bornmut" Semenyoni yanvarda sotmoqchi emas, shuning uchun uning transferi faqat kelasi yozda amalga oshishi mumkin. "Giloslar" o‘z futbolchisini 75 millionga baholamoqda.

Futbolchi va "Bornmut" o‘rtasidagi amaldagi shartnoma 2030 yilning iyun oyi oxirigacha mo‘ljallangan.

Semenyo Angliya chempionatining joriy mavsumida 8 ta o‘yin o‘tkazib, 6 ta gol va 3 ta golli uzatmaga mualliflik qildi.