"Бавария" ҳужумчиси Харри Кейн тез орада клубни тарк этиши мумкин.
Испания матбуоти хабарига кўра, "Реал" бош мураббийи Хаби Алонсо клуб раҳбариятидан Харри Кейн билан музокараларга қайтишни сўраган. Айнан англиялик форвард, мураббийнинг фикрича, келаси мавсумда мадридликларнинг асосий ҳужумчиси бўлиши керак.
Алонсонинг ишончи комилки, Кейн "Реал" ўйин тизимига мукаммал мослашади - унинг тажрибаси, етакчилик қобилияти ва вазиятлардан фойдаланиш маҳорати жамоа ҳужумини самаралироқ қилади. Перес, испаниялик манбаларга кўра, бу сафар мураббийнинг ғоясини қўллаб-қувватлашга тайёр.
Кейн бу мавсумда 12 та ўйинда майдонга тушиб, 20 та гол урди ва 3 та голли узатмани амалга оширди.
